2025-ci il 23 may tarixində Xəzər Universitetinin Filologiya və İbtidai sinif müəllimliyi ixtisaslarında təhsil alan tələbələr Bakı Mühəndislik Universitetində keçirilən “Gənc Tədqiqatçıların IX Beynəlxalq Elmi Konfransı”nda iştirak ediblər. Konfrans Ümummilli Lider Heydər Əliyevin anadan olmasının 102-ci ildönümünə həsr olunub.
Tələbələr əvvəlcə açılış-plenar iclasda iştirak ediblər. Ardınca bölmə iclaslarında elmi məruzələrlə çıxış edərək uğurlu təqdimatlar nümayiş etdiriblər. Elmi yanaşmaları və çıxış bacarıqları ilə fərqlənən tələbələrdən Adilə Cəbrayılova (“Özbək dilinin səciyyəvi xüsusiyyətləri”), Şənay Mirzə (“Azərbaycan dilinin Kəlbəcər şivəsi”), Aysu Qənbərova (“Nitqin təmizliyini pozan amillər”), Günel Abuşova (“Azərbaycan dilinin Kürdəmir şivəsi”), Aysun Məmmədxanova (“İmla yazılarının növləri və əhəmiyyəti”), Həbibə Mirzəyeva (“Azərbaycan dilinin Qarabağ şivə qrupunun leksikası”), Zabilə Həsənova (“Qazax dilinin səciyyəvi xüsusiyyətləri”), Sərfinaz Nağıyeva (“Azərbaycan dilinin Bakı şivəsi”), Xədicə Məmmədova (“Çexovun “Palatada” hekayəsində İvan Dmitriçin ruhsal tələsi və Andrey Yefimiçin obrazı”) konfrans sonunda sertifikatlarla təltif olunublar.
