Şəfa Yusifli. Qanadlarım yaralı…

Mən pəncərəyə, o, çölə tərəf,

Mən yağışa, o, günə tərəf.

Xatirimdə son bir gün var,

Üfüq yolu unudulmağa tərəf.

 

Məndən uzaq,  sənə yaxın,

Sevincə uzaq, qəmə yaxın.

Gün batımına saniyələr var,

Gözlərimə uzaq, ruhuma yaxın.

 

Ruhum üçün dünya özgə,

Küçələr doğma, insanlar özgə.

On ikiyə on beş dəqiqə var,

Qaranlıq yaxın, səssizlik özgə.

 

Düşüncələr səsli, dil səssiz,

Notlar cingiltili, piano səssiz.

Son mahnının hekayəsi var,

Hekayə yaralı, məna səssiz.

 

Sözüm sağ, sətirim yaralı,

Qələmim mürəkkəbdən yaralı.

Buludlara çatmağa bir qarış var,

Ruhum səbrsiz, qanadlarım yaralı.

Müəllif hüquqları qorunur. Materialdan istifadə zamanı istinad etmək vacibdir.

Bir cavab yazın

Sizin e-poçt ünvanınız dərc edilməyəcəkdir.

Next Post

Edmund Husserl. Kartezian düncələri

Ç İyl 10 , 2024
Əvvəli: https://klv.az/2024/07/03/edmund-husserl-kartezian-dusunceleri-10-17/  (davamı) Düşüncə V. TRANSSENDENTAL VARLIQ SFERASININ AÇILMASI MONADOLOJİ İNTERSUBYEKTİVLİK KİMİ § 59. Ontoloji eksplikasiya və onun bütövlükdə transsendental fenomenologiyanın konstitutiv quruculuğunda yeri Biz fəlsəfə üçün əsas olan intuitiv dərketməni, təhlilin qarşılıqlı əlaqə kəsimlərinə bölünməsinin gedişində və qismən də, onların bu yolda labüd olaraq meydana çıxan yeni problemlərinin və zəruri […]