Russonun aforizmləri

“Bir-birinizi anlamaq üçün xasiyyətcə oxşar, sevmək üçün fərqli olmalısınız”.

***

“Azadlıq – istədiyini etmək yox, istəmədiyini etməməkdir”.

***

“Səbir acı olsa da, bəhrəsi şirindir”.

***

“Az bilən insan çox, çox bilən insan az danışır”.

***

“Dünya nədən bu qədər qəddardır? Axı uşaqlıqda hamımız möcüzələrə inanırdıq”.

***

“İnsan ikicə ilə danışmağı, ömrünün sonunacan susmağı öyrənir”.

***

“Hərəkətsiz həyat letargiya yuxusuna bənzəyir”.

***

“Öz-özlüyündə həyatın heç bir qiyməti yoxdur. Məsələ onu necə xərcləməkdədir”.

***

“Bütün zalımlıqlar məzlumluqdan doğulur”.

***

“Vədlərində ehtiyatlı olanlar onun icrasında daha dürüstdür”.

***

“Düşməndən sülhü satın almaq, onu yeni müharibə üçün təchizatlandırmaqdır”.

“Cibində olan pul səni azad, ardınca qaçdığın pul isə kölə edir”.

***

“Dərindən sevmək – özünü unutmaq deməkdir”.

***

“Ədalətsizliyi görüb susmaq onun iştirakçısına çevrilməkdir”.

***

“Nə qədər yaşadığından yox, nəyin naminə yaşadığından danış”.

***

“Əzaba qatlaşa bilməyən adam hələ çox əzablara məhkumdur”.

***

“Təsirli sevgi məktubu yazmaq üçün nə dediyini bilmədən başlamalı, nə yazdığını bilmədən bitirməlisən”.

***

“Təhqir – haqsız insanların silahıdır”.

***

“Ciddi mənada demokratiya heç vaxt mövcud olmayıb və olmayacaq. Çoxluq azlığı idarə edə bilməz”.

***

“Bir saatlıq iş bir günlük izahatdan daha səmərəlidir”.

***

“İnsan olduğu kimi olanda güclü, bəşəriyyətə meydan oxuyanda zəif görünür”.

***

“Müdrik insan artıq göründüyündən bir dəqiqə əvvəl çıxıb gedir”.

***

“Ruhun da bədən kimi öz tələbatları var”.

***

“Xoşbəxtlik – yaxşı pul, yaxşı aşpaz və yaxşı həzmdən ibarətdir”.

***

“Gənclik – müdrikliyin mənimsəmə dövrüdür”.

***

“Vaxtdan yaxşı istifadə onun əyarını daha da artırır”.

***

“Kişi özündən aşağı qadınla evlənəndə alçalmır, əvəzində xanımını ucaldır. Əksinə, özündən üstün qadınla evlənəndə xanımını da alçaldır, özünü də”.

***

“Əgər uşaqların canındakı dəcəllikləri öldürsəniz, dahilər yetişməyəcək”.

***

“Bizim müəllimlərimiz – təcrübə və duyğudur”.

***

“Ürək – qanunverici, beyin – icraedici hakimiyyətdir”.

***

“Nə qədər dürüst adam olsa da, əgər o, katolik yepiskopudursa, yalan danışmağa məhkumdur”.

***

“Kömürçünün arvadı hökmdarın məşuqəsindən daha hörmətlidir”.

***

“ Düzünü bilmək, çox bilməkdən daha faydalıdır”.

***

“İnsanlar qəddar, amma insan özü mərhəmətlidir”.

***

“Kitablar insanlara yalnız anlamadıqları barədə danışmağı öyrədir”.

***

“Uşaqlara uşaqlıqdan yetişməyə imkan verin”.

***

“Bəziləri qəbrə yüz yaşında girsə də, doğulan gündən ölüdür”.

***

“İngilislər özlərini azad xalq hesab edir. Amma böyük səhv edirlər. İngilis yalnız parlament seçkiləri zamanı azaddır. Seçki bitən kimi – kölə, heç kimdir”.

***

“Zaman – donuq əbədiyyətin hərəkətli obrazıdır”.

***

“Gözlə görünməyən hər şey gözəldir”.

***

“Reallığın öz sərhədləri var, təxəyyül isə sərhəd tanımır”.

Müəllif hüquqları qorunur. Materialdan istifadə zamanı istinad etmək vacibdir.

Bir cavab yazın

Sizin e-poçt ünvanınız dərc edilməyəcəkdir.

Next Post

Şəfa Yusifli. Qanadlarım yaralı...

Be İyl 8 , 2024
Mən pəncərəyə, o, çölə tərəf, Mən yağışa, o, günə tərəf. Xatirimdə son bir gün var, Üfüq yolu unudulmağa tərəf.   Məndən uzaq,  sənə yaxın, Sevincə uzaq, qəmə yaxın. Gün batımına saniyələr var, Gözlərimə uzaq, ruhuma yaxın.   Ruhum üçün dünya özgə, Küçələr doğma, insanlar özgə. On ikiyə on beş dəqiqə […]