“Cavanlıqda vurulan şapalaqlar səni gələcək şallaqlardan qoruyur”.
***
“Çox bildikçə, insan üçün başqalarının rəyinin əhəmiyyəti də azalır”.
***
“Birja pul qazanmaqdan çox, pul itirməyin imkanlarını təklif edir”.
***
“İnsan yer üzündə yaşamağa uyğunlaşana qədər dünya dağılacaq”.
***
“Adamlar çox vaxt əyinlərinə görə olmayan mundir daşıyırlar”.
***
“Qaçılmazlıqdan çox danışanlar, tarixi yaxşı bilməyənlərdir”.
***
“Qanunu yaxşı bilənlər, öz maraqları naminə onu necə pozmağı da yaxşı biirlər”.
***
“Yaşamaq uğrunda icad olunan silahlardan ən effektivi puldur”.
***
“Hökmdar qarşısında qorxunun mənbəyi nadir hallarda onun intellekti olur”.
***
“İstənilən etiraz, sifətə ağıllı ifadə verir”.
***
“Böyük vədlər, böyük peşmanlıqlara gətirir”.
***
“Beyin emosiyaların sifarişi ilə işləyir”.
***
“İnsan hüquqları barədə danışan hər kəs öz hüquqlarını nəzərdə tutur”.
***
“Başqasının inəyini sağmaq istəyən, inəyi yox, çobanı yola gətirməlidir”.
***
“Ədiblər yol deyil, sadəcə, iz salırlar”.
***
“Nökərin ağlına dözmək, ağanın ağılsızlığına dözməkdən daha çətindir”.
***
“Xalqın tarixi – həm də vəsiyyətdir”.
***
“Qənaətcillik – balaca adamın əsas keyfiyyətidir”.
***
“Ziyalı insan – təbəssümlə məğlub olur”.
***
“Səlis nitq – hətta mənasız fikirlərə də layiqli düzən verir”.
***
“Ağıllı qadın ərinin nə istədiyini soruşmur: cavabı özü bilir”.
***
“Qaliblər və məğlublar eyni tarixdən müxtəlif dərslər çıxarır”.
***
“Riyaziyyat – öncəgörənliyin ən etibarlı üsuludur”.
***
“Gənclər dünyaya özlərinin yox, öz kumirlərinin gözləri ilə baxırlar”.
***
“Moizə dinləyərkən yadda saxla ki, iblis mələk dili ilə də danışa bilər”.
***
“Ən işlək qanunlar – yazılmamış qanunlardır”.
***
“Davamlı uğurlar qulduru biznesmenə çevirir”.
***
“İstənilən şər əməlin də bəraət üçün bir məntiqi var”.
***
“Yararsız insana ən yaxşı qanunlar da kömək edə bilməz”.
***
“Xatirələri ağır yük kimi özünlə daşımaq yox, basdırmaq lazımdır”.
***
“Emosiyalar, adətən, gec-tez ötüb keçir, amma izi həmişə qalır”.
***
“Cavanlar qarşıda yalnız yüksəklikləri, qocalar isə dağları görür”.
***
“Yalan söz cəzalandırılsaydı, qəzetlərin sayı azalardı”.
***
“Aforizm – rahat yadda qalan həqiqətdir”.
***
“Cəmiyyətda ən dəhşətli şey mütləq çoxluğun son qərarıdır”.
***
“Hər yaşlı nəsil yeni nəslə baxanda, ürəyində özündən əvvəlkilərdən üzr istəyir”.
***
“Sivilizasiya elə bir həddə gəlib ki, artıq kimin haqlı, ya haqsız olması önəmli deyil, əsas məsələ kimin vəkilinin daha yaxşı olmasıdır”.
***
“Əgər hamı dələduzdursa, artıq bu, korrupsiya deyil”.
***
“Bütün cəmiyyətlər mal-qara sürüsü kimi bir-birinə bənzəyir, sadəcə, bəzilərinin buynuzu qızılı rəngdədir”.
aydinyol.aztc.gov.az
