Saflığın və dürüstlüyün kitabı: “Lamançlı Don Kixot”

13 dekabr 2023-cü ildə Xəzər Universitetində Dillər və ədəbiyyatlar departamentinin “İnteqrativ dərs” layihəsi çərçivəsində dil və ədəbiyyat müəllimliyi və filologiya ixtisası üzrə III kurs tələbələri üçün açıq dərs keçirilib.

Departamentin müəllimləri filologiya üzrə fəlsəfə doktorları Qardaşxan Əzizxanlı və Ülvi Babasoy roman tarixində “Lamançlı Don Kixot”un rolundan, onun poetikasından, həyat və sənətdə doğurduğu suallardan söz açaraq, “saflığın və dürüstlüyün” kitabını yazan Servantesin ilahi təhkiyəsindən danışıblar. Mühazirəçilər əlçatmaz Dulsineyada olan keyfiyyətləri əsas götürərək bu əsərin, eyni zamanda “Leyli və Məcnun” səviyyəsində eşq dastanı olduğunu, romandakı var olmayan eşqin var olan gözəlliyini vurğulayıblar. Onlar dünya ədəbiyyatında üstün yeri olan “Lamançlı Don Kixot”dan gətirdikləri konkret misallar əsasında “mətn işində mətn” texnikası sərgiləyən, az qala hər abzasında bənzərsiz yumoristik, ironik, parodik deyimlər olan əsərin çoxsaylı özəl xüsusiyyətlərinə diqqəti cəlb ediblər.

Açıq dərs tələbələrin və mühazirəçilərin qarşılıqlı sual-cavabı ilə yekunlaşıb.

 

 

Müəllif hüquqları qorunur. Materialdan istifadə zamanı istinad etmək vacibdir.

Bir cavab yazın

Sizin e-poçt ünvanınız dərc edilməyəcəkdir.

Next Post

Əli Bəbiroğlu. Dost ömrünə tale kimi gələn şeirlər

C Dek 15 , 2023
Klv.az saytı Əli Bəbiroğlunun şair-publisist Qardaşxan Əzizxanlı haqda yazdığı yazını “525-ci qəzet”ə istinadən təqdim edir.   Onunla ilk tanışlığımız arx üstündə mənim heç xoşuma gəlməyən təkəbbürlü oturuşundan başlandı, hələ ona yaxınlaşırdım, uzaqdan onun bu halı məni heç açmamışdı.  Sataşmaq bəhanəsi ilə: “Sən kimsən? Burda niyə oturmusan?” – deyib onunla mübahisəyə […]