(mənsur şeir)
Sənlə bağlı hər kiçik məlumatı öyrənmək gözəldir. Hər dəfə Özündən bir parçaya şahid olanda sənə elə sarılmaq istəyirəm ki…
Bu nə mənasız düşüncədir. İdeallaşdırmaq filan. Yeniyetmələr belə bu cür sevmir artıq.
Sevdiyin insanın qüsurları belə başqalarının mükəmməl xüsusiyyətlərindən daha əziz daha gözəl gəlir.
Bu o demək deyil ki, sən o qüsurları görmürsən.
Bu sadəcə o deməkdir ki, sən onu hər şeyi ilə sevirsən.
Xeyr. İdeallaşdırmaq odur göz yumasan o şeylərə.
Hər şeyi mükəmməlmiş kimi davranasan.
Həqiqətən sevdiyin insanı düşün. Nə hiss edirsənsə, sevgi odur sənin üçün.
Mənim üçün də sevgi sənsən. Bütün şairlər də səndən yazıb.
Sən də bunu heç vaxt anlaya bilməzsən.
Heç vaxt anlamayacağını bilməyimə rəğmən mən də həmişə səni sevəcəm. Sevgi budur.
Elə nə sən, nə də sənin o məşhur yazarların bunu anlaya bilməzsiniz…