Zəhraxanım Məmmədova Xəzər Universiteti İqtisadiyyat və menecment fakültəsinin Turizm işinin təşkili ixtisası üzrə II kurs tələbəsidir. Bundan əvvəl də saytımızda çıxış edib. Zəhraxanımın şeirlərini oxuyarkən bu el deyiminin həqiqiliyinə bir daha şübhən qalmır: “Dönmə yaman olur!”
Klv.az
Sən sus, qızım!
Sən gözəl susursan.
Sənin kölgən üzünü gizlədir
Mənim dilim
Saxta sözlərə “kaş ki!” deyir
O hünərli baxışlarının altında
Dünənlərdə gəzən sözlər gizlənib
Sən sus, qızım!
Sən gözəl susursan.
Sən təsadüflərə inananda
Mən artıq həyatında
Təfavüt idim.
Sən sus, qızım!
Sən gözəl susursan.
Dalğınlığına hiylə olur
Nəğmələrim
Bir kədərli fürsət olur
Sənə baxmağım,
Sənnən getməyim…
