KLV.az “nypost.com”a istinadən xəbər verir ki, Elvis Preslinin Missisipi ştatının Tupelo şəhərində tərk edilmiş və sökülməkdə olan uşaqlıq evi avqust ayında, hərracda satışa çıxarılacaq.
***
Elvis Aaron Presli (8 Yanvar 1935 – 16 Avqust 1977) Amerikalı müğənni və aktyor idi. “King of Rock-n Roll” kimi tanınan Presli 20-ci əsrin ən görkəmli mədəniyyət xadimlərindən biri kimi qəbul edilib.
Presli Missisipi ştatının Tupelo şəhərində anadan olub və 13 yaşında olarkən ailəsi ilə birlikdə Tennessi ştatının Memfis şəhərinə köçüb. Onun musiqi karyerası 1954-cü ildə məhz bu şəhərdə başlayıb. Presli 1956-cı ilin yanvarında “Heartbreak Hotel” adlı buraxılışı ilə ABŞ-da bir nömrəli hit olub. Bir sıra uğurlu çıxışları ilə Presli “rock-n-roll”un aparıcı simasına çevrilib.
Dünyada 500 milyondan çox satış edən Presli “Ginnesin Rekordlar Kitabı” tərəfindən bütün zamanların ən çox satılan solo musiqi ifaçısı kimi tanınıb. Presli üç “Grammy” mükafatını qazanıb, 36 yaşında isə “Qremmi Ömür Boyu Müvəffəqiyyət Mükafatı”nı alıb. O, həmçinin çıxardığı albomları ilə bir neçə rekorda sahib olub. 2018-ci ildə Presli ölümündən sonra “Prezident Azadlıq Medal”ı ilə təltif edilib.
***
Hərracın başlanğıc qiyməti 30-50 min dollar arasında müəyyən ediləcək. Eyni zamanda, bu evdə müğənninin şəxsi əşyaları, həyatı və karyerasına aid avtoqraflar və konsert xatirələri də satış üçün nəzərdə tutulub.
