Xəzər Universitetinin Humanitar, Təhsil və Sosial Elmlər Fakültəsinin Filologiya (Azərbaycan dili və ədəbiyyatı) ixtisası üzrə IV kurs tələbələri 2025–2026-cı tədris ilinin payız semestrində AMEA Folklor İnstitutunda elmi-tədqiqat təcrübəsini davam etdirirlər.
Təcrübə tələbələrin nəzəri biliklərini praktik şəkildə tətbiq etmələri və tədqiqatçılıq bacarıqlarını inkişaf etdirmələri məqsədi daşıyır.
Tələbələr Folklor İnstitutunun direktoru, filologiya elmləri doktoru, dosent Hikmət Quliyevlə görüşüblər. Görüşdə institutda aparılan elmi-tədqiqat işləri, əldə olunan nəticələr, nəşrlər və yeni folklor topluları barədə məlumat verilib, həmçinin müzakirələr aparılıb.
Tələbələrin elmi-tədqiqat təcrübəsi dekabr ayının sonunda başa çatacaq.
