Azərbaycanlı şair Ümid Nəccarinin “Cotton sounding letters” adlı kitabı Avstriyanın məşhur onlayn kitab evi “Morawa” saytında satışa çıxarılıb.
Kitab Britaniyada Nəşriyyat rəhbərliyinin təşəbbüsü ilə 92 səhifədə “JustFiction Edition” yayınları tərəfindən çap olunub.
Şeirləri İngilis dilinə tərcüməçi Rza Hüseyni Bəqanam tərcümə edib.
Qeyd edək ki, Avropanın Beynəlxalq IWA BOGDANİ Yazarlar Assosiasiyasının vitse-prezidenti və Beynəlxalq Mihai Eminescu Akademiyasının fəxri üzvü olan Ümid Nəccari bir neçə şeirlər kitabının müəllifidir və indiyə qədər bir sıra ölkələrdə – Amerika, Rumıniya, Serbiya, İtaliya, İspaniya, Rusiya, Gürcüstan, Özbəkistan, İran, Türkiyə, Çili, Çexiya, Qazaxıstan və bir çox ölkələrin mətbu orqanlarında şeirləri və yazıları tərcümə olunaraq işıqlandırılıb.
