“Nə işim, nə pulum, nə də ümidim var. Mən dünyanın ən xoşbəxt adamıyam”.
***
“Biz həyatdan başqa hər şeydən həzz ala bilirik”.
***
“İncəsənət məhz ədəb-ərkan gözləmədiyinə görə incəsənətdir”.
***
“Heç vaxt kiməsə xeyirxah görünmək üçün yardım etməmişəm. Sadəcə, başqa cür bacarmadığıma görə köməklik göstərmişəm”.
***
“O, ya çox hiyləgər, ya da çox sadəlövh qadın idi. Bəzən bu iki cəhəti fərqləndirmək çətin olur”.
***
“Acı təcrübəmdən bu qənaətə gəlmişəm ki, dünya cinsəl münasibətlər üzərində qurulub”.
***
“Şəxsiyyət kimi doğulmaq üçün insan kimi ölməlisən”.
***
“Ağrı keçəndə həyat insana pulsuz və dostlarsız da gözəl görünür”.
***
“İnsanlar çox vaxt bu günlə yaşamır – onların düşüncəsi ya ləngiyir, ya da irəli qaçır”.
***
“Dünya – gözəl qadına aclıq çəkməyə nadir hallarda imkan verir”.
***
“Amerika, ümumiyyətlə, mövcud deyil, o yoxdur, sadəcə, insanların abstrakt bir ideyaya verdiyi addır…”
***
“Başqasını anlamaq üçün mütləq özündən imtina etməlisən”.
***
“Nə baş verirsə versin, fərq etməz, əsas məsələ bu barədə səhvsiz danışmaqdır”.
***
“Dünyamız – özülü nəhəng, tükürpərdici qorxudan qoyulmuş bir yalandır”.
***
“Təxəyyül kasadlığı və axmaqlığına görə bəşər övladına yazığım gəlir”.
***
“Biz süni işıqlandırma yox, nur daşımalıyıq”.
***
“Hər gün ürəkdən gələn ən yaxşı hisslərimizi öldürürük”.
***
“Canın üzülənəcən məşğul olduğun istənilən iş işgəncəyə cevrilir”.
***
“Qəti qənaətə gəlmişəm ki, savadsızlar heç də aramızda olanlardan ən kütbeyini deyil”.
***
“Özünə həddindən artıq ciddi yanaşmamaq xoş hissdir”.
***
“Hamı oyun oynayır… Bu məndə ikrah doğurur. Niyə axı, sadəcə, insan olmayaq?”
***
“Yaradıcının sevincindən böyük sevinc yoxdur. Çünki yaradıcılıqda yaradıcılıqdan başqa məqsəd olmur”.
***
“Bədənin qapısı taybatay açılsa, insan məhv olar”.
***
“Həyatın bizə təklif etdiyi ən gözəl imkan – insan olmaqdır”.
***
“Yalnız sizdən asılı olanları edin, qalanlarını taleyin ixtiyarına buraxın”.
***
“Özümə bir məşğuliyyət tapmaq istəyirəm, amma avtomatlaşdırma dövrünün təkəri olmamaq şərti ilə”.
***
“Ətrafımda baş verənləri yad planetdən gəlmiş adam kimi müşahidə edirəm”.
***
“Əgər, həqiqətən, rəssamdırsa, o, həmişə təkdir”.
***
“Əsl gəncliyi yaşamayan əsl qocalığı da yaşamayacaq”.
***
“Sonumuz çatanda dünyamızı da özümüzlə aparacağıq”.
***
“Yalnız nişanələrin göstərmədikləri yerlərə gedin”.
***
“Ən pis ovqat da ovqatsızlıqdan yaxşıdır”.
***
“Hətta o dəhşətli partlayışdan sonra da tarix davam edəcək”.
***
“Rəssam bizim bu sərsəri dünyamızda duruş gətirmək üçün gərək bir az havalı olsun”.
***
“İnsani düşünmək – darıxdırıcı və təəssüfedici məşğuliyyətdir”.
***
“Ona qarşı diqqətə görə səmimi şəkildə minnətdarlıq hissi keçirən qadın çox vaxt bu borcu bədəni ilə ödəyir”.
***
“Hətta muzdlu cızmaqaraçı da öz sifətini saxlamalıdır”.
***
“Ruh – yalnız hər şey itiriləndən sonra irəli çıxır”.
***
“Etiraf etmək nə qədər dəhşətli olsa da, biz daha çox kiminsə nökəri olmağı xoşlayırıq”.
***
“Amerika – ölüm mücəssəməsidir. O bütün dünyanı öz ardınca dibsiz uçuruma aparacaq”.
***
“Höteni anlamaq üçün alman olmalısan”.
***
“Mənim yeganə bədbəxtliyim ağlımın əndazəni aşmasıdır”.
***
“Dünyanı nizama salmaq olmaz. Çünki dünya özü boyda bir nizamdır”.
aydinyol.aztc.az
